Ինչպես տեղեկացնում է ադրբեջանական «APA» լրատվական գործակալությունը,  ԼՂ հակամարտության կարգավորումով զբաղվող ԵԱՀԿ Մինսկի խմբի համանախագահներ Ռոբերտ Բրադտկեն (ԱՄՆ), Իգոր Պոպովը (Ռուսաստան) և Ժակ Ֆորը (Ֆրանսիա) այս շաբաթ ժամանելու են տարածաշրջան: 

Մարտի 2-ին նրանք կայցելեն Հայաստան, ուր հանդիպումներ կունենան նախագահ Սերժ Սարգսյանի և արտգործնախարար Էդվարդ Նալբանդյանի հետ: 

Համանախագահները Բաքու կժամանեն մարտի 5-ին, իսկ մարտի 6-ին կհանդիպեն Ադրբեջանի նախագահ Իլհամ Ալիևի և արտգործնախարար Էլմար Մամեդյարովի հետ:

Հանդիպումներում քննարկվելու են ղարաբաղյան հակամարտության կարգավորման հետագա քայլերը: